Calendario aproximado das actividades ofertadas (2015-16)

Por favor, tede en conta que estes horarios son orientativos, poderá haber algunha modificación en función do número de nen@s anotados ou necesidades organizativas da ANPA.

No caso de estardes interesad@s, aquí tedes o documento a cubrir e con máis información con respecto aos prezos...

Actividades extraescolares 2015/16 calendario e propostas...

Aquí tedes nosa proposta de Actividades Extraescolares para este curso (2015-16) que completan as xa publicadas pola Fundación Cangas Deporte. Como veredes, tamén ofertamos algunhas pensando nos país e nais... animádevos!!!!:

• AULA MATINAL. Actividade que permite conciliar a vida familiar e laboral, ofrecendo un servizo de recollida dos nen@s dende as 08:00h, e ata o inicio das clases.
• TALLER LÚDICO EN INGLÉS: Clases faladas coas que se pretende que @s nen@s aprendan o idioma naturalmente. Haberá dous grupos no mesmo horario, un para infantil e outro para primaria.
• TEATRO E EXPRESIÓN CORPORAL: Esta actividade permítelle aos nen@s manifestar a súa capacidade creadora e imaxinativa, axudándolle a dominar a expresión corporal e oral, a linguaxe en público, etc.
•  LINGUAXE DE SIGNOS: Taller moi dinámico onde a través da interpretación e xogos fan un recorrido por todas as letras neste linguaxe.
• OBRADOIRO MUSICAL (Pandereta/Gaita). A cargo de Tromentelo,
• OBRADOIRO DE ESCRITURA. Iniciación á escritura centrada no desenvolvemento da creatividade, experimentación literaria e o pracer de escribir.
• TALLER LÚDICO ALEMÁN. Xogos e cancións en lingua alemán, onde se iniciaran neste idioma dun xeito lúdico.
• DIVERCIENCIA. Taller moi dinámico onde os nen@s se transformarán en científicos a través do xogo.
• BAILES LATINOS. A cargo da escola Chachachá. Tamén se oferta CLASES PARA ADULTOS, (pais e nais dos alumnos do cole), cun desconto especial para os socios da Anpa (para máis información ESCOLA CHACHACHÁ)
• BALONMÁN: De 6 a 12 anos. GRATUITA. Actividade deportiva Subvencionada pola Deputación de Pontevedra.
• ZUMBA ADULTOS. Actividade deportiva con moito ritmo a través do baile e música.

Aquí vos deixamos a ligazón cos detalles/normativas que tedes que ter en conta se estades interesad@s.

PROGRAMA DEPORTIVO ESCOLAR da Fundación Cangas Deporte - Curso 2015/16

RECOLLIDA INSCRIPCIÓNS

O prazo de recollida de inscricións rematará o venres, día 25 de setembro de 2015 (ás 14.00 h). As inscricións deberán formalizarse nas oficinas da Fundación Cangas Deporte, sitas na Casa da Xuventude de Cangas, de luns a venres, en horario de 09.00/14.00 h.

PAGO ACTIVIDADE

Realizarase o pago íntegro no momento de realiza-la inscripción do neno/a

IMPORTANTE

Algunhas das actividades ofertadas teñen as PRAZAS LIMITADAS

VACACIÓNS

Informarlles tamén que os períodos vacacionais deste programa se axustan os propios dos centros escolares: Vacacións de Nadal, Carnaval e Semana Santa, así como tamén as festividades locais, autonómicas, nacionais e propias do centro escolar.

Para máis información: 986 392 166 / fundacion@cangasdeporte.com

Fai CLIC AQUI para obter as FOLLAS DE INSCRIPCIÓN

Aquí tedes a ligazón das actividades que se impartirán no noso centro.

Información da COTA ANUAL da nosa ANPA

Informamos a tódolos pais e nais que queiran seguir sendo soci@s ou iniciarse como soci@s da A.N.P.A este curso 2014/2015, que o importe da cota anual é de 15€ por familia, e que a forma de pago farase mediante ingreso bancario nunha oficina de Abanca, con estos datos:

Abanca conta nº: 2080 5079 83 3040001135

Concepto: "COTA ANPA", Nome d@ nen@ ou nen@s:................ Curso/os:................
Importe: 15€

Lembrámosvos que, beneficiaranse coa subvención da ANPA para a excursión de fin de curso de 6º de primaria, os alumnos que foran soci@s como mínimo durante os dous anos do 3º ciclo, é dicir, 5º e 6º.

Tamén debedes saber que tódolos pais que teñan fillos noutro centro da Federación de Anpas Galegas, farán unicamente un pago por algún deles, pero se non é en CEIP A Rúa, debedes enviar xustificante para o noso coñecemento, e contar como socios ós alumnos da mesma familia.

Debido a decisión da ANPA do Ies Rodeira, Ies Montecarrasco e Ceip Espiñeira de non seguir federados na Federación de Anpas de Cangas, na que si estamos federados,a partir de este curso, xa non é valido o pago da cota da ANPA do instituto ou outro centro, para ser socio/a desta asociación.  

Tamén recordar que para poñervos en contacto con nós, podedes facelo a través do buzón que se atopa na recepción do cole, vía correo electrónico anpa.arua@gmail.com  e tamén por suposto directamente cando nos atopemos no colexio.

Gustaríanos que superades a importancia que ten ser soci@ da ANPA, non só para axudar a sufragar entre outras cousas, a Festa de Fin de Curso, o Cross Escolar, a Festa de Nadal, etc.. cun aporte económico importante ou as distintas colaboracións coa directiva do colexio ó longo do curso. Ademais pódense levar a cabo diferentes proxectos, coma foi no seu momento a compra de ordenadores para o centro ou o pintado e arranxo do chan da aula de 3 anos, etc,  beneficios dos que non disfrutaríamos todos se non tivera colaborado a ANPA.

Esperando que o consideredes tan prioritario coma o é para nós, saúdavos atentamente,

A Xunta Directiva

Información da aplicación "TOKAPP SCHOOL"

Tal e como se informou o curso pasado, a ANPA comunicará as súas notificacións a través da aplicación "Tokapp School", e deste BLOG.  Agradeceriámosvos que nos indicásedes os vosos usuarios de Tokapp ou o voso correo electrónico o antes posible (para todos aqueles que non o fixeron), para que non perdades a información, xa que ésta non se entregará en papel. Para @s que non o fixeron todavía, e se o voso móbil o permite, podedes descargar a aplicación "Tokapp School" dende o "Playstore", darvos de alta, e comunicarnos o voso usuario. Se non tendes datos ou non queredes descargar a aplicación no móbil, podedes facilitarnos un correo electrónico ao que se enviarán as comunicacións dende esta aplicación.

Para @s que non teñan un móbil que permita a instalación desta aplicación, nin E-mail, podedes facilitarnos o voso número de telefono móbil. Deste xeito, e se sodes soci@s da ANPA, se vos enviará a información vía SMS (este proceder supón un custo adicional para a ANPA), aínda que por esta vía a información chegaría mais reducida.

Tede en conta que, de todas todas, poderedes informarvos na porta do cole, onde sempre deixaremos as notificacións máis importantes.

Gustaríanos poder chegar ao 100% das familias dunha forma ou outra. Podedes achegarnos calquera desta información requerida a través do buzon da ANPA.

Semana de cine no Auditorio de Cangas con pelis para @s cativ@s

Semana de Cine organizada polo "Cine club Cangas" titulada "Cinemas Ocultos", dende o sábado 12 ata o domingo 15 deste mes. 

Destacamos estas propostas para @s cativ@s:

• SÁBADO 12 de setembro: "A tropa de trapo no país onde brilla o sol" (Alex Colls. Galicia, 2014; Animación para menores de sete anos; Versión en galego)

• DOMINGO 13 de setembro: "A canción do mar " (Song of the Sea). (Tom Moore. Irlanda, 2014; Animación. De 6 anos en diante. Versión dobrada en español)

• VENRES  18 de setembro: "Maimiño" (Ernesto Padrón.  Coprodución galego-cubana 2015. Animación para nenos de todas as idades. Versión orixinal en galego)

• SÁBADO 19 de setembro: "A illa de Giovanni" (Mizuho Nishikubo. Xapón, 2014; Versión en español; Animación)

Aquí tedes a ligazón para máis información

Mensaxe das "Plataformas en Defensa da Sanidade Pública do Morrazo" de adherencia á "Rede de Cidades Refuxio"

Conscientes da catástrofe humanitaria que se está a vivir nas fronteiras europeas, as Plataformas en Defensa da Sanidade Pública do Morrazo (Cangas, Bueu, e Moaña) vimos de presentar -esta mañán- por rexistro, nos 3 concellos da comarca, un escrito no que, ademáis de "poñernos a disposición dos nosos Concellos para que esta acollida sexa nas mellores condicións e respetuosa coa dignidade das persoas", solicitamos:

• Se adhiran á Rede de Cidades Refuxio, como xa fixeron máis de 55 cidades españolas (Barcelona, Madrid, Valencia ou A Coruña, entre outras) mobilizando tódolos recursos (institucionais e sociais) dispoñibles, ademáis de inmobles municipáis que reúnan as condicións para esta  acollida.
• Facilite o rexistro de persoas que  están dispostas á acollida (Rexistro xa anunciado polo Concello de Cangas que debe ser extensible ao resto de Concellos da comarca)
• Co fin de dinamizar e implicar á codadanía, se convoque con carácter URXENTE unha reunión con tódolas plataformas sociais, ONG’s, asociacións (veciñais, ANPAS, etc.) e calquera outra entidade cívica para colaborar e paliar esta situación extrema que se está a vivir en Europa."

(*)En adxunto, carta aos Alcaldes de Bueu e Cangas e á Alcaldesa de Moaña. "Somos un pobo solidario e esta traxedia humanitaria nos incumbe a todos e a todas"

Gratos pola atención prestada, 

Atentamente, as Plataforma​s​ en Defensa da Sanidade Pública d​o Morrazo​

655 082 249​ (Carmen Nores - Cangas)​

​654 983 756 (Fernando Otero - Bueu)

687 870 864 (Paco Ferreira - Moaña)​

Visita a web da Plataforma

Aula Matinal traballando dende o día 10

Informámosvos, que o vindeiro xoves día 10, dará comezo o servizo de Aula Matinal, de luns a venres e de 08.00 a 09.30. Adxuntamos novamente a circular coa información. As familias interesadas neste servizo, por favor que se poñan en contacto con nós para poder informar dos nenos e nenas usuari@s.

Contactanos: 666428157 //657082962

Calendario escolar oficial 2015-2016

Esta semana comeza o curso. Para @s despistad@s e para informar@s, aquí tedes a ligazón oficial á "Orde do 8 de xuño de 2015 pola que se aproba o calendario escolar para o curso 2015/16, nos centros docentes sostidos con fondos públicos na Comunidade Autónoma de Galicia"

Como solicitar as axudas da Xunta de Galicia para comprar material escolar (curso 2015-16)

O próximo mércores 2 de setembro e ata o 2 de outubro, comezará o prazo para que as familias poidan solicitar as axudas para a compra de material escolar. Trátase dun cheque de ata 50 euros destinado ás familias coas rendas máis baixas e que pretende beneficiar entre 60.000 e 70.000 familias galegas cuxa renda por membro da familia non supere os 5.400 euros.

Aquí tedes a ligazón no DOGA: "ORDE do 25 de agosto de 2015 pola que se convocan axudas para a adquisición de material escolar destinadas ao alumnado matriculado en educación primaria, educación secundaria obrigatoria ou educación especial en centros sostidos con fondos públicos para o curso escolar 2015/16".

Aquí tedes unha ligazón coa noticia completa no Faro de Vigo

A Plataforma en Defensa da Sanidade Pública de Cangas, fletará autobuses para a Manifestación de mañá (03/09/15)

Dende o Morrazo fletaranse 4 autobuses.

ÚLTIMAS PRAZAS: Reserve  súa nos teléfonos: 655082249 e 607681279 en Cangas, 669330376 no Hío e 661538656 e 687870864 en Moaña.

​​As Plataformas en Defensa da Sanidade Pública​ de Cangas e Moaña puxéronse​ ao servizo dos interesados en participar na marcha un autobús para facilitar o desprazamento a​ Vigo​ ( Praza España). A recollida será en torno ao Rectorado ao finalizar.

O autobús sairá ás 18:45 da Estación de Autobuses de Cangas e ás 19:00 parará na Praza de Abastos de Moaña. O horario de regreso establecerase no propio autobusús e o prezo por ida e volta será de 3 €.

Aviso de interese: O material escolar do ano que vén pode desgravar...

En Galicia cremos que non entra, pero por se acaso, gardalos.

Deixamos esta ligazón con máis información, e comunidades onde si se indica que desgrava